Бухорода 15 апрель – Маданият ва санъат ходимлари куни муносабати билан байрам тадбири бўлиб ўтди
Тадбирга соҳада узоқ йиллар сидқидилдан хизмат қилган меҳнат фахрийлари, бугунги кунда самарали фаолият юритиб келаётган фаоллар таклиф этилди.Улар орасида Бухоро ихтисослаштирилган санъат мактабининг фаол жамоа аъзолари ҳам иштирок этишди.
Вилоят ҳокимининг ўринбосари Ботиржон Шахриёров соҳа вакилларини касб байрами билан самимий табриклаб, уларнинг Бухоро маданияти ва санъатини ривожлантириш ҳамда дунёга тарғиб этишдаги фидокорона меҳнатларини эътироф этди.
Байрамда соҳанинг илғор ходимлари ва фахрийларига вилоят ҳокимлиги томонидан фахрий ёрлиқ, ташаккурнома ва қимматбаҳо совғалар тақдим этилди.